മാണി ബജറ്റും ഇ വി എസ് ക്ലാസും തമ്മിലെ റാഡിക്കലായ ബന്ധം ..ഒരു താത്വിക അവലോകനം ..

മാണി ബജറ്റും ഇ വി എസ് ക്ലാസും  തമ്മിലെ റാഡിക്കലായ ബന്ധം ..ഒരു താത്വിക അവലോകനം ...

മാണിസാർ ബജറ്റ് അവതരിപ്പിച്ച പോലെയായിരുന്നു ഇ വി എസിന്റെ (എൻവിയോണ്‍മെന്റ്റ് ആൻഡ്‌ ഡി സാസ്റ്റർ മാനേജ്മെന്റ്)   മിക്കവാറും  ക്ലാസുകളും ..കാരണം മറ്റൊന്നുമല്ല അവസാന പീരിയഡ് ആണെന്നുള്ളത് തന്നെ ...
റോയൽ മെക്കിലെ പുലികളും ,കടുവകളും സിങ്കങ്ങളുമെല്ലാം ഉച്ചയുറക്കത്തിന്റെ ആലസ്യത്തിൽ നിന്നും സടകുടഞ്ഞെഴുന്നേൽക്കുന്ന നേരം,ചമ്രവട്ടത്തു നിന്നും  ,തിരൂരിൽ നിന്നുമുള്ളവർക്കൊക്കെ വീടനെ കുറിച്ചും നാടിനെ കുറിച്ചുമുള്ള   ബോധം വരുന്ന നേരം ,നീീീണ്ട ഏഴു മണിക്കൂറിലെ ആ ഒടുക്കത്തെ നേരത്ത് തന്നെ സാറ് വരും ഇ വി എസ്  ന്നും പറഞ്ഞ് .. .

പിന്നെ ബഹളമായി ഒച്ചപ്പാടായി,ബെഞ്ചിൽ കയറൽ,റബ്ബർ ബാൻഡ്  ഫൈറ്റ് ,ആങ്ങനെയങ്ങനെ സ്പീക്കറുടെ ഡയസിൽ  ... ച്ഛെ ...   റ്റീച്ചിങ്  സ്റ്റെജിൽ കയറലായി,സ്പീച്ചിംഗ് സ്റ്റാൻഡ്‌  മരിച്ചിടലായി.......
ആകെ  മൊത്തം ടോട്ടൽ ഒരു നിയമസഭാ മോഡിലേക്ക് മാറും റോയൽ മെക്ക് ആ  സമയം..

അതിനിടയിൽ സാറു  വരും മാണിസാറ് വന്നപോലെ ഒരു  കോഡ്‌ ലെസ്സ് മൈക്കും ഘടിപ്പിച്ച്....... ,

മുന്നിലെ ബഞ്ചിൽ നിന്ന് ഉണ്ണിക്കുട്ടൻ ഏതാണ്ട് ഏതോ ഒരു ആഗ്യം കാണിക്കും തൊടങ്ങിക്കോളാൻ .....
പിന്നെയൊന്നും നോക്കാനില്ല ക്ലാസിലെ കെ ടി മിറാഷുമാരുടെ (പടുകൾ ) പിന്തുണയോടു കൂടി  ദേണ്ടെ ദിപ്പോ ശരിയാക്കിത്തരാം ഒരിരുപത് മിനുട്ട് അത്രേം മതീ..ന്നും പറഞ്ഞ്  റോയൽ മെക്കിലെ ശിവൻ കുട്ടി മാരുടെയും ജയരാജൻമാരുടെയും അർമാദത്തിനിടയിൽ നൈസായിട്ടു ബജറ്റവതരിപ്പിക്കും..ഛെ ടോപിക്ക് എടുക്കും അവസാനം ലഡുവിനു പകരം വല്ല  അസൈൻമെന്റ്റോ   ,മറ്റോ  തന്ന് സാറങ്ങ്  പോകും.......

 ദിപ്പൊ  ദിതൊക്കെ  പറയാൻ ദെന്തുണ്ടായിന്നാന്നേൽ ഇന്നായിരുന്നു ഇപ്പറഞ്ഞ ഇ വി എസ് എക്സാം അപ്പൊ പ്പിന്നെ തലേന്നിരുന്ന് പഠിക്കണം ..പഠിക്കണേൽ നോട്ട് നോക്കണം... ,അങ്ങനെ നോക്കിയതിന്റെ ഹാങ്ങോവർ ഇന്ന് ആൻസർ ഷീറ്റിൽ ഡിസാസ്റ്റർ  മാനേജ്മെന്റിനെക്കുറിച്ചും ,മുല്ലപ്പെരിയാറിനെ ക്കുറിച്ചുമൊക്കെ ആ ഞ്ഞാഞ്ഞ് വെട്ടിയിട്ടും തീരാത്തത് കൊണ്ട് ഇവിടം  തീർക്കാമെന്ന് കരുതി.......
അത്ര മാത്രം സംഭവ ബഹുലമാണ് ആ നോട്ടിലെ തിയറികൾ......
 (ആരേം പറഞ്ഞിട്ട് കാര്യമില്ല ,വായിച്ചു തരുന്ന നോട്ടിൽ നമ്മുടെ കാതിലെത്തുന്നത് പകുതി വാക്കുകൾ ...അത് മെഡുല്ലഒംബ്ലാംഗട്ട വഴി  സുഷുമ്നാനാടിയും കടന്നു വിരൽ തുഞ്ചത്തെത്തുമ്പോ   പിന്നെയും  പകുതിയാകും.. പിന്നെയത് അക്ഷരങ്ങളാകുമ്പോഴേക്ക് ഏതാണ്ട് ഗൂഗിൾ ട്രാൻസിലേറ്ററിൽ നിന്ന് കിട്ടണ മലയാളം പരിഭാഷ പോലെ യായിരിക്കും ).....